Urbo Slovaka komloŝ'

Antaŭhieraŭ mi traveturis la urbon, kiun mi jam multe vidis. La nomo de la urbo estas Tótkomlós. Malgraŭ tio, ke tiu urbo estas malproksime de la slovaka limo, estas multaj slovakoj en ĝi. Eĉ slovakaj lernejoj estas en mia departamento. La nomero "tót" restis en la nomo de la urbo eĉ post la malgrandigo de nia lando en 1918. (Malgraŭ kiel alilandanoj faris tion kun la eksaj hungaraj urboj). Tót signifas slovaka, kaj komlós signifas lupola. Cetere eĉ la familia nomo de miaj vicgefratoj estas Tóth. Kaj ekzistas multaj slovakdevenaj hungaraj nomoj kiel ekzemple mia vicavino Judit Zelenyánszki. La slovaka nomo de tiu urbo estas "Slovenský komlóš". Ĉiuj surskriboj estas tie skribitaj eĉ en la slovaka lingvo. Mi ne scias, kial la slovaka partamento kontraŭagas kontraŭ la hungaraj aferoj, malgraŭ tio ke en Hungario ni ne subpremas kaj neniam subpremis ilin. :( Tiuj du nacioj havas multajn komunajn valorojn... Ĉu vi slovakoj vidas same la situacion? Cetere en ĉi tiu urbo mi trovis la jenan straton:

strato Zamenhof en urbo Tótkomlós

Tre bona stratonomo ĉu ne? :)

Ipernity-komentoj:

Stanislaw Rynduch diras: Vi devus tuj esplori de kiu tempo estas tiu tabulo, kia estas historio, ĉu estas tie ankoraŭ esperantistoj ktp ktp... Poste vi povas skribi eble malgrandan rakonton. La tempoj forpasas, kaj historio pereas. Post du tri generacioj jam oni tute ne scias kiu iniciatis ĝin, kiuj estis la pioniroj. Provu esplori . Eble vivas familianoj, kiuj scias tion, eble ili eĉ havas iujn memoraĵojn de tiamaj tempoj. Eĉ povas okazi, ke iu eĉ havas karton skribitan de iu fama E-pioniro eĉ de Zamenhof mem. Tiu karto ĉu letero estas tre valora por historio kaj por kolektantoj. Mi mem jam provis aĉeti Zamenhof-karton kaj ĉiam en aŭcioj mi pretis doni tro malmulte. Aliaj havis pli dikan monujon! Mi deziras al vi multe da feliĉo kaj sukceson! antaŭ 2 jaroj

Szabi diras: Ah, kiel mi esploru? Mi havas emon esplori! Kie mi devus startigi la esploradon? antaŭ 2 jaroj

Stanislaw Rynduch diras: Kara Szabi, mia ĉambro estas malgranda E-muzeo. Hodiaŭ preskaŭ ĉio estas ricevebla en aŭcioj, sed multajn aferojn oni povas nur surloke esplori. Kiel komenci? Unue provu demandi en Hungara Asocio , ĉu estas en tiu loko iu grupo aŭ unuopa esperantisto malnova. Se jes, provu kontaktiĝi kun ĝi aŭ li. Se ne tiam vi devas mem pridemandi en tiu loko. En administrejo oni povas doni al vi informon de kiam estas tiu tabulo, eble eĉ kiu ĝin proponis. Ofte okazi tie, ke iu tute simple pendis tabulon ĉe la domo, kie ankoraŭ ne estis nomo de la strato, kaj poste oni simple akceptis. Demandu, ĉu eble en tiu domo loĝis esperantisto. Ofte la serĉado okazas nula, sed ĉe okazo oni parolas kun la homoj kaj interesigas ilin pri Esperanto. Se vi havos iun demandon mi ĉiam pretas respondi , se nur mi povas. antaŭ 2 jaroj

Milokula Kato diras: Mi multfoje kaj plurokaze sciiĝis ke en Hungarujo oni respektas la kulturajn rajtojn de la gentaj malplimultoj. Unu el la eminentaj slovakoj loĝantaj en Hungarujo estas Oldrich Knichal, esperantisto kaj esperantlingva verkisto. antaŭ 23 monatoj

Szabi diras: Dankon pro la konfirmo. Mi ne konas lin/ŝin. Mi esplorserĉadetos lin/ŝin! antaŭ 23 monatoj  Szabi modifis tiun ĉi komenton antaŭ 23 monatoj.

Pli ol 10.000 vizitoj

Mi rimarkis, ke en Ipernity estas la kutimo skiribi artikoleton post la 10.000a vizito! Do mi faras tion same, ĉar ankaŭ la nombro de la vizitoj sur mia paĝo plias ol 10.000!!!!

Dankon pro ĉies vizito kaj komentoj!

Bonan legadon, verkadon, fotadon, videumadon, alŝutadon, komentadon... do ipernitumadon ĉi tie en ipernity ankaŭ en la futuro! :)

Ipernity-komentoj:

Viktoro diras: Vi jam estas ipernitie plenkreskulo! gratulon! antaŭ 2 jaroj

Ninovic diras: jen unu vizito pli :) antaŭ 2 jaroj

Anjopro diras: Gratulon al vi kara Amiko! Vi baldaŭ atingos pli ol 20.000 vizitantoj. antaŭ 2 jaroj

Szabi diras: Dankon. :) antaŭ 2 jaroj

Deziri dramon kaj neekzistaĵojn

Mi ne scias ĉu ĉiam deziri dramaĵojn kaj neekzistaĵojn estas nur hungara kutimo aŭ ekzistas eĉ aliloke., sed mi ĉiam iĝas nervoz(et)a pro ĉi tiuj aferoj.

Mi volas diri per la esprimo "deziri la dramon" ke oni ĉiam volas iun draman aferon. Se estas problemo tiam ĝi estu pli granda aŭ se estas neniu problemo tiam: kial ne krei? Ekzemple se oni vivas en bela ĉirkaŭaĵo, oni havas bonan familion kaj laborejon, oni ne havus problemon, tiam oni kreas ke estu unu (senintence). Estas certe, ke iu el ĉi tiu familio estas klaĉema en ĉi tiu kvieta ĉirkaŭaĵo. Kio okazus se li/ŝi ne estus tia? Estus silento kaj tedo. Aŭ povas esti problemo ekzemple: "kial nia najbaro devis konstrui la barilon tiel granda!" Ho, terure! ( :) ) (Kompreneble se la barilo estus malpli alta tiam tio estus la problemo... Do oni (ĉu nur hungaroj) ĉiam bezonas dramon.

Deziri la neekzistantajn aferojn estas simile. Ekzemple nuntempe multe pluvas en Hungario. Kaj oni diras: "Ho tiom multe da pluvo... Kial ne sunas?" (Sed se sunus kaj estus seko tiam tio estus la problemo.) Kial oni ne povas ĝoji pro tio ke la ĝardeno kaj semaĵoj ricevas multe da akvo? Estas hungara proverbo: "Pluvo en majo estas kiel oro" (ĉar en majo kutime ne pluvas). Kaj nun oni dirus: "Pluvo en majo estas malbono"...

Kompreneble tro multe da pluvo povas esti malbona... sed ankaŭ malmulte estus malbona laŭ oni. Se sunas: "kial sunas tiom multe?" Se vintre ne neĝas: "Kial ni ne havas blankan Kristnaskon?" Se vintre neĝas: "Kial estas tiom multe da neĝo? Oni ne povas iri sur la vojoj!" Se estas malvarme: "Ho mi preferas varmon!" Se estas varme: "Ho mi preferas malvarmon ja vi povas vesti vin por ne malvarmumi sed en la varmo vi povas fari nenion." ktp...

Se estas milito tiam: "Kial devas esti tiel terura afero?". Se longtempe ne estas milito, tiam oni devas serĉi kaŭzon por krei ĝin. Se estas etaj landoj en la mondo tiam estu unu (samkiel Eŭropa Unio, Sovetunio, Aŭstro-Hungario...). Se oni jam tedas pro tio: "Estu pli multaj landoj! Kial mi devas vivi kun aliaj nacioj...."

Mi pensas, ke neniam venos tempo kiam ĉio estos paca kaj kvieta ja longtempe oni ne ŝatas la sendramecon! Ĝi estas teda!

Ipernity-komentoj:

Stanislaw Rynduch diras: Kara Szabi, tio estas tute normale , simple home! Oni diras, ke ankoraŭ ne estas tia naskita, ke li ĉiujn povu kontenti. Iom esti malkontenta estas bone, sed multe malkontenta estas teda, eĉ danĝera. Estas tamen homoj de naturo optimistoj, sed bedaŭrinde tro multe estas da pesimistoj. La pesimistoj scipovas antaŭvidi malfeliĉojn kaj katastrofojn kiuj ne venos, tamen ili ŝatas per tio venenigi vivon de si, de proksimaj. Ni esperantistoj, malgranda popoleto estas tamen mi pensas pli pozitivaj, pli optimistaj.Ni batalas por bona afero, do ni esperas, ĉar alie ni ne agus. Mi ĝojas, ke vi juna homo tion malkontenecon de multaj rimarkas.Mi deziras al vi multe da ĝojo kaj optimismo. La pesimistojn simple neglektu! Eĉ se hodiaŭ pluvas, mi ĝojas, ke eble morgaŭ sunos! antaŭ 2 jaroj

Szabi respondas: Jes jes vi tute pravas! Mi preferas optimismon ol ĉi tio. Dankon pro la bondeziroj, mi deziras al vi la saman! :) antaŭ 2 jaroj

Viktoro diras: Mi ne scias, ĉu tio estas hungara sento, sed mi konas multajn nehungarojn, kiu same sentas kaj same faras. antaŭ 2 jaroj

Szabi diras: Do verŝajne ne.. antaŭ 2 jaroj