Deziri dramon kaj neekzistaĵojn

Mi ne scias ĉu ĉiam deziri dramaĵojn kaj neekzistaĵojn estas nur hungara kutimo aŭ ekzistas eĉ aliloke., sed mi ĉiam iĝas nervoz(et)a pro ĉi tiuj aferoj.

Mi volas diri per la esprimo "deziri la dramon" ke oni ĉiam volas iun draman aferon. Se estas problemo tiam ĝi estu pli granda aŭ se estas neniu problemo tiam: kial ne krei? Ekzemple se oni vivas en bela ĉirkaŭaĵo, oni havas bonan familion kaj laborejon, oni ne havus problemon, tiam oni kreas ke estu unu (senintence). Estas certe, ke iu el ĉi tiu familio estas klaĉema en ĉi tiu kvieta ĉirkaŭaĵo. Kio okazus se li/ŝi ne estus tia? Estus silento kaj tedo. Aŭ povas esti problemo ekzemple: "kial nia najbaro devis konstrui la barilon tiel granda!" Ho, terure! ( :) ) (Kompreneble se la barilo estus malpli alta tiam tio estus la problemo... Do oni (ĉu nur hungaroj) ĉiam bezonas dramon.

Deziri la neekzistantajn aferojn estas simile. Ekzemple nuntempe multe pluvas en Hungario. Kaj oni diras: "Ho tiom multe da pluvo... Kial ne sunas?" (Sed se sunus kaj estus seko tiam tio estus la problemo.) Kial oni ne povas ĝoji pro tio ke la ĝardeno kaj semaĵoj ricevas multe da akvo? Estas hungara proverbo: "Pluvo en majo estas kiel oro" (ĉar en majo kutime ne pluvas). Kaj nun oni dirus: "Pluvo en majo estas malbono"...

Kompreneble tro multe da pluvo povas esti malbona... sed ankaŭ malmulte estus malbona laŭ oni. Se sunas: "kial sunas tiom multe?" Se vintre ne neĝas: "Kial ni ne havas blankan Kristnaskon?" Se vintre neĝas: "Kial estas tiom multe da neĝo? Oni ne povas iri sur la vojoj!" Se estas malvarme: "Ho mi preferas varmon!" Se estas varme: "Ho mi preferas malvarmon ja vi povas vesti vin por ne malvarmumi sed en la varmo vi povas fari nenion." ktp...

Se estas milito tiam: "Kial devas esti tiel terura afero?". Se longtempe ne estas milito, tiam oni devas serĉi kaŭzon por krei ĝin. Se estas etaj landoj en la mondo tiam estu unu (samkiel Eŭropa Unio, Sovetunio, Aŭstro-Hungario...). Se oni jam tedas pro tio: "Estu pli multaj landoj! Kial mi devas vivi kun aliaj nacioj...."

Mi pensas, ke neniam venos tempo kiam ĉio estos paca kaj kvieta ja longtempe oni ne ŝatas la sendramecon! Ĝi estas teda!

Ipernity-komentoj:

Stanislaw Rynduch diras: Kara Szabi, tio estas tute normale , simple home! Oni diras, ke ankoraŭ ne estas tia naskita, ke li ĉiujn povu kontenti. Iom esti malkontenta estas bone, sed multe malkontenta estas teda, eĉ danĝera. Estas tamen homoj de naturo optimistoj, sed bedaŭrinde tro multe estas da pesimistoj. La pesimistoj scipovas antaŭvidi malfeliĉojn kaj katastrofojn kiuj ne venos, tamen ili ŝatas per tio venenigi vivon de si, de proksimaj. Ni esperantistoj, malgranda popoleto estas tamen mi pensas pli pozitivaj, pli optimistaj.Ni batalas por bona afero, do ni esperas, ĉar alie ni ne agus. Mi ĝojas, ke vi juna homo tion malkontenecon de multaj rimarkas.Mi deziras al vi multe da ĝojo kaj optimismo. La pesimistojn simple neglektu! Eĉ se hodiaŭ pluvas, mi ĝojas, ke eble morgaŭ sunos! antaŭ 2 jaroj

Szabi respondas: Jes jes vi tute pravas! Mi preferas optimismon ol ĉi tio. Dankon pro la bondeziroj, mi deziras al vi la saman! :) antaŭ 2 jaroj

Viktoro diras: Mi ne scias, ĉu tio estas hungara sento, sed mi konas multajn nehungarojn, kiu same sentas kaj same faras. antaŭ 2 jaroj

Szabi diras: Do verŝajne ne.. antaŭ 2 jaroj

Neesperantistoj

Hodiaŭ mi estis en la lingvoekzamena centro en Budapeŝto por akompani miajn fratinon kaj amikon. Tie estis multaj esperanto-parolantoj, ja Esperanto estas la tria plej populara lingvo ĉe la lingvoekzamena centro ITK. Ekzemple eĉ hodiaŭ en po tri klasoj estis ekzamenoj parole kaj antaŭtagmeze kaj posttagmeze. Tiam tiuj ekzamenoj estas en ĉiu monato kaj ne nur dum unu tago. Vi povas imagi kiom da personoj ekzameniĝas pri Esperanto.

Por mi estas vere strange, ke mi ankoraŭ ne renkontiĝis tie kun Esperantistoj. Ili ĉiam diras tie: "ah Esperanto? mi neniam uzos ĝin, mi nur bezonas ĝin por la diplomo..." Kaj kelkaj diras senhonte kun granda sarkasmo: "Se la ekzameno sukcesos al mi, tiam mi estos vera esperantisto."

Eĉ la instruistojn tie mi ankoraŭ ne vidis. Eble ili estas esperantistoj kaj nur mi ne vidis ilin. Estas tre bedaŭrinde, ke estas multegaj parolantoj de Esperanto, sed malmultaj esperantistoj inter ili.

Ipernity-komentoj:

Blazio VAHA (n.s. WACHA, Balázs) diras: Instuistoj iam aperas, eĉ kelkfoje, kelkaj instruistoj ĉeestas unu aŭ du ekzamenojn por observi, sperti la efektivajn postulojn, interŝanĝi poste opiniojn. Sed la reguloj tion tenas inter limoj. Certe estus malrekomendinde fari ekzamenejojn ia reklamejo, ĉar tio 1) jure estas dubinda 2) povas misefiki, misinflui efiki inverse. - Ke ekzamenitoj poste ne aplikas Esperanton, tio estas vere bedaŭrinda. Esperanto-Orgnizoj parte havas, parte devus havi kompletigajn kursojn kaj okazojn, kies objekto estas ne nur praktika kapablo uzi la lingvon (sed ankaŭ aplikado, historio de la esperantistaro kaj E-movadoj, E-kulturo ks.) - Mi pensas, ke la esperantistaro samtempe evoluas kaj malevoluas, krome nia stato estas ankaŭ kvazaŭ ondlinia, malebena. La pli frua movada instruado estis pli multprofila, la nuna ekzamenaro estas ioemetete pli agnoskata ekstere. Sekvu nova evoluŝtupo! antaŭ 2 jaroj

Szabi diras: Hm...Ĉu vi diras, ke la ekzamenantaj instruistoj juĝe ne devus partopreni renkontiĝojn? Mi pensas ke se estus lecionoj ne nur pri la gramatiko tiam la lernantoj kiuj bezonegas tujan lingvoekzamenon, tiuj iĝus nervozaj ke oni instruas eĉ tion. Kaj se oni iras al angla aŭ al alilingva kursaro eĉ tie oni ne instruas historion aŭ alian. Via ideo estas bone unue sed ... Estas malbone, ke vere bonan ideon esperantistoj ankoraŭ ne rimarkis.

Germano

Tiu, por mi, ŝerca okazaĵo okazis dum Silvestro. Ni estis iom post noktomezo kiam iu knabo venis al ni. Ni estis surstarte. Tiam mi kaj iu konatulo de mi parolis iom germane. Eble ni diris: „Gesundheit” (Je via sano). La knabo rimarkis tion kaj demandis la aliajn amikojn: Ĉu li estas germano? Kaj ili diris, ke jes. Dum la tuta nokto mi devis konduti kiel germano. Ĉiuj el miaj amikoj parolas pli-malpli bone germane, do ĝi ne kaŭzis problemojn. Sed okazis ege ŝercaj aferoj pro tio:

La knabo kelkfoje diris al aliaj: „ho, imagu kiel malbona estas la Silvestro por li inter nur hungaroj” kaj „Ĉu li komprenas tute nenion?” … Mi tute bone rolis mian karakteron kaj miaj amikoj multe ridis ke mi ne ridis pro la hungarlingvaj ŝercoj, kaj mi respondis nur germane kiam ili parolis al mi hungare. Mi nur diris: „Was? Was möchtest du?” (Kio? Kion vi volas?).

Ni iris antaŭ hamburgaĵejon (same kun la knabo kiu kredis ke mi estas germano). Tiam ni serĉis necesejon. Iu knabino rimarkis ke mi estas „eksterlandano” kaj venis helpi al mi. Ŝi demandis angle: „Ĉu vi parolas angle?” Mi diris ke jes. Ŝi diris hungare al sia amikino: „Haa, li ne estas anglo, li havas akĉenton!!!” Ŝi demandis min angle: „De kie vi venis?” Mi diris ke el Germanio! Kaj ŝi diris al sia amikino hungare: „Ah mi sciis ke li havas germanan akĉenton!!” :) Verdire fakte mi havis germanan akĉenton ĉar mi ne povas ŝanĝi lingvon tiel rapide.

Tie mi parolis kun alia viro angle. Kaj li demandis min angle: „De kie vi venis?” Mi diris, ke el Germanio. Kaj li respondis germane: „Ĉu vere? Ankaŭ mi! Vi, el kiu parto?” Kaj mi pensis: „Haa, terureee neee!!” Mi ne komprenis ĉion, do mi diris: Ahaa, Jaaa, kaj mi multe demandis lin, ke mi ne devu respondi. :)

Iu senhejmulesko venis al ni kaj diris hungare perforte: „Mi volas monon, donu al mi monon!” Kaj mi diris germane: „Mi ne havas, kaj mi ne komprenas vin.” La senhejmulesko respondis hungare: „Ho, mi ne parolas angle.” Ni rapide sukcesis lasi lin.

Estis tre bona kaj eksterlandeca Silvestro.

Ipernity-komentoj:

Viktoro diras: Bonega anekdoto! Ĉu estas kutime, ke en Hungario homoj konas la germanan? antaŭ 2 jaroj ( konstanta ligilo | respondi | viŝi )

Manfredo respondas: Viktoro, mi certas, ke ĉiuj homoj en Hungario KONAS la germanan lingon. Sed ne ĉiuj regas ĝin. :-) antaŭ 2 jaroj

Szabi respondas: :) antaŭ 2 jaroj

Viktoro respondas: Bonege! Ŝajne, tio baldaŭ okazos kun la angla en la tuta mondo. antaŭ 2 jaroj

Bebson Hochfeldpro diras: > Ĉu estas kutime, ke en Hungario homoj konas la germanan? Olim la Hungari esis civitani en Austri-Hungara imperio ube omni koaktesis parolar en la Germana. Do "tradicionale" la Hungari generale esas bona/habila parolanti din la autentika Germana. antaŭ 2 jaroj

Viktoro diras: Jes, sed mi ne sciis, ke ankaŭ nuntempe ili emis paroli la germanan. Dankon! antaŭ 2 jaroj

Bebson Hochfeldpro respondas: Bäume wachsen nicht in den Himmel. Tamen ..... Anke hodie oni en Hungaria povas relative bone parolar la Germana, nicht wahr? Oni darfas dicar ke la Germana esas plu utila kam la Angla en Estal Europa. Se pluse plu Estal exter Europa, la Rusa esas la maxim utila til la Japona maro. Se trans la Japona maro, oni mustas trovar Shangri-La per la bela Japona linguo. antaŭ 2 jaroj

Szabi respondas: Ja, nachdem haben die Touristen die Grenze vom Westen passiert, wundern sie sich darüber, dass nur wenige Menschen auf Englisch sprechen können. Estis kelkaj eĉ dum la Somera Esperanta Studado kiuj menciis al mi ke veturante al SES ili rimarkis tiun senanglecon. antaŭ 2 jaroj  Szabi modifis tiun ĉi komenton antaŭ 2 jaroj.

Szabi diras: Ĉi tie oni povas lerni en la bazlernejo aŭ la germanan aŭ la anglan. Sed kutime en gimnazio ĉiu devas lerni ambaŭ. Mi diligente lernis ambaŭ. Kaj miaj amikoj ĉefe elektis la germanan! Kaj ĉie estas dirata, ke ni havas kontakton ĉefe kun germanoj ne kun angloj, do ni prefere lernu la germanan... Kaj multaj germanlingvanoj loĝas kaj somerumas ĉi tie kaj kiel turistoj kaj kiel malplimultoj. Malmulte da angloj kaj preskaŭ neniu anglo kiel malplimulto. antaŭ 2 jaroj  Szabi modifis tiun ĉi komenton antaŭ 2 jaroj.

Szabi diras: Jes, ankaŭ tio estis ŝerca, ke la knabo ne rimarkis ke kelkfoje ni parolis esperante! :D Jes mi memoras pri ili. Tiuj jam beligas nian Kristnaskan arbon! :) Tio ĉi estas respondo al komento de Enikő Fekete.  antaŭ 2 jaroj

Mi ne kredis...

Mi partoprenis du-tagan urborigardon de Budapeŝto kun esperantistoj el Hungario, Slovakio, Aŭstrio kaj eĉ Kubo, kio estis tre bona. Mi ekkonis tute novajn esperantistojn. Kaj estis multaj aferoj kiuj estas interesaj por mi. Mi ne kredis...

… ke en Kubo estos ne nur du, sed kvar Esperanto-aranĝoj en jaro 2010.

… ke en Kubo oni tute ne rajtas uzi interreton. Nur kelkaj grandegaj firmaoj kaj kelkaj kuracistoj rajtas rigardi kelkajn tute-kontrolitajn retpaĝojn. Eĉ komputilojn oni ne rajtis uzi tie. Mia nova konatulo „fiere” diris: „Sed ni povas uzi nun la komputilon kiel ludilon aŭ tajpilon.”

… ke por kelkaj ne nur la neĝo estas ĝojo kiel antaŭe nevidita afero sed eĉ la falado kaj la multkoloreco de la folioj de la arboj.

… kiam mi lernis en la lernejo pri la aŭstraj kaj hungaraj militoj, (kaj se mi repensas pri la tiama tempo) mi povus tiun ĉi scenaĵojn trovi reala: Ni staris antaŭ la statuo pri la estro de la hungaroj dum unu el la mondmilitoj, kaj hungara esperantisto diris ŝerce al aŭstra esperantistino: „Vidu tiun statuon. Ĝi estas pri la estro dum la milito kontraŭ vi!” Kaj ĉiu kune ridis.

… ke kelkaj eksterlandanoj serĉas logikon pri la hungaraj registaraj numeroj sur la aŭtoj. Ili diris ke ĉe ili estas logiko. Ekzemple la literoj montras urbojn.

… ke la manĝaĵo kazeaj nudeloj estas tipa hungara.

… ke estas hungara kutimo, ke la viroj inter amikoj manpremas nur kun viroj.

… ke ekzistas hungara urbo nomata „Tab”

… ke la hungara parlamentejo havas multajn surprizajn indikojn. Kaj ĝi estis malvarmigita somere per glacioj eĉ antaŭ dek jaroj.

… ke la bilnduloj havas grandegan malfacilecon kompare al la ne-blinduloj. (Ni estis en blindula ekspociziejo, kie estis tute mallumo kaj ni nenion vidis, kaj ni povis orientiĝi nur per niaj aliaj sensoj)

http://www.ijs.hu/eo

Ipernity-komentoj:

Laslo Kovacs diras: Oni ĉiam lernas novaĵojn. Pri la manpremo mi devas precizigi. Tiu kutimo (mi ne estas certa ĉu vere nur hungara?) estas ĝentileco al la virinoj. Nome, ne akcepti manpremon estas granda ofendo en nia kulturo. Ni ne volas devigi virinon manpremi kun ulo se ŝi ne volas. Do laŭ la etikedo virino rajtas decidi kaj se ŝi volas manpremi ŝi donas la manon al la viro kaj la manpremo okazas. Do temas pri tio,ke viro ne rajtas iniciati manpremon kun virino. antaŭ 2 jaroj ( konstanta ligilo | respondi | viŝi )

Szabi diras: Jes, per Esperanto ni povas lerni pli facile multajn interesaĵojn... Manpremo... hmm antaŭ 2 jaroj

Viktoro diras: Pri kutimoj, mi rimarkis, ke ĉe ni, kiam, por saluti aŭ malsaluti, mi kisas amikinon (nek edzinon, nek koramikinon) mi unue kisas ŝian maldekstran vangon, kaj poste la dekstran. Sed, en aliaj landoj, estas aliaj kutimoj: tri kisoj en kelkaj lokoj, kaj du kisoj aliloke, sed la unua estas ĉe la dekstra vango (kiel en Hungario, ĉu ne?) antaŭ 2 jaroj

Szabi respondas: La unua kiso estas ĉe la maldekstra vango. Kiel vi unue skribis. Ĉu ie estas la kiso ĉe la dekstra vango? antaŭ 2 jaroj

Viktoro diras: Ho jes, mi eraris, mi parolis, fakte, pri mia vango, ne pri la kisita vango. En mia lando, oni kisas unue la dekstran vangon. antaŭ 2 jaroj

Szabi diras: Nu ĉiu konfuziĝis. Mi pensas ke ni kisas unue la saman vangon kiel vi. antaŭ 2 jaroj

Mielo respondas: Mi neniam observis kiel ni kisas :-) Nun mi devas pensadi.... antaŭ 2 jaroj

Ditta diras: Mi ege ŝatis ĉi tiun Blindulan Ekspozicion. :) Mi ĝojas ke vi venis amuziĝi kun ni kaj esperas ke ni baldaŭe povos renkontiĝi denove. ;) Ĉu vere estos 4 aranĝoj en Kubo venontjare? Kiuj estos ili? antaŭ 2 jaroj

Szabi respondas: Ankaŭ mi ege ŝatis ĝin. Estis interesege. Ankaŭ mi esperas tion, Ditta! :) Hmm, ŝi diris, ke tie okazos UK, renkontiĝo de loka Esperanto-Asocio, IJK, kaj bedaŭrinde mi ne memoras la lastan. :( antaŭ 2 jaroj  Szabi modifis tiun ĉi komenton antaŭ 2 jaroj.

Lars Sözüerpro respondas: Devas esti la konferenco de ILEI. antaŭ 2 jaroj

Szabi respondas: Jes, verŝajne, dankon! antaŭ 2 jaroj

Ĉu Halovino, ĉu Tago de mortintoj?

En Hungario tute ne ekzistas la kutimo de Halovino kiel en Usono.

Antaŭ kelkaj tagoj de la tago de Ĉiuj Sanktuloj (la 1an de novembro) ni iras al la florvendejo kaj aĉetas florojn, florkronon kaj kandelojn. En la kalendaro estas la nomo Ĉiuj Sanktuloj, sed ni uzas prefere la esprimon Tago de mortintoj. Mi ne scias kial ni preferas tiun nomon. Tiun tagon ni iras al la tombejoj kaj metas la florojn, florkronojn kaj kandelojn sur la tombojn. Ni staras kelkajn minutojn apud la tombo pensadante pri niaj amatoj mortintaj kaj poste iras hejmen. Estas kutimo, ke hejme oni bruligas tiom  da kandeloj kiom da proksimaj mortintoj oni havas.

Mi pensas, ke tiuj du kutimoj ne vere estas akordigeblaj.

Kiu kutimo vivas en via lando? Aŭ ĉu vivas tute aliaj kutimoj ĉe vi?

Ipernity-komentoj:

Viktoro diras: Ĉe ni, la kutimo estas preskaŭ la sama ol en Hungario. Sed jaron post jaro oni vidas pli da malbelaj kukurbetoj... antaŭ 2 jaroj ( konstanta ligilo | respondi | viŝi )

Szabi respondas: En la supermarktoj eĉ ĉe ni estas ili, sed mi pensas ke ne multaj homoj aĉetes tiujn. antaŭ 2 jaroj

Pastoro diras: Ĉe ni, en Meksiko, la tago de la mortintoj estas unu el la plej ĝoja festo ĉiujare. Bedaŭrinde tiu ĉi bela kutimo iom post iom (dank'al influo de aliaj tradicioj, t.e. angla tradicio ĉefe) simpliĝas. Antaŭ multe da jaroj la meksikanoj pasis la tutan tagon ĉe la tombejoj manĝante, ludante kaj kantante la favoritajn manĝaĵojn, ludojn kaj kanzonojn de iliaj mortintoj. Ankoraŭ oni starigas altarojn, bakas mortintajn panojn (ost-forma pano) kaj bongustas sukerajn kranietojn. Alia ĉefa trajto de tiu ĉi tradicio estas sia literatura flanko: dum la ĉirkaŭaj tagoj la meksikanoj verkas "calaveras"-n (gajaj poemetoj pri la vivantoj rilate al kontaktoj kun la morto, kiu samaspektas kiel skelet-virino elegante vestita... "La Catrina [/katrina/]..."). Ekzemple: Jam la morto eliris el la tombo, ĉi-tage ŝi laboras diligente serĉante tra la ronda mondo tiujn, kiuj parolas esperante... Fine, oni kutimas iri al la teatro por spekti mondfaman verkon "Don Juan Tenorio..."... Nu, la Tago de la Mortintoj estas mia plej ŝatata festo... antaŭ 2 jaroj

Szabi respondas: Hmm, ĝi ŝajnas al mi tre kurioza! Estas ne tro bone ke la Usona kulturo tro influas ĝin. antaŭ 2 jaroj

Manolopro diras: Principe, ne estas misagordo inter ambaŭ tradicioj: la katolika (tiu, kiun vi priskribas) kaj la kelt-devena (halovino). Halovino estas festo por la nokto de la 31a de oktobro. Tago de mortintoj estas la 2a de novembro kaj ĉiusanktula tago estas la 1a de novembro. Do, ne estas koincidoj. La kelta festo, original-lingve Samhain, estas multe pli tradicia kaj antikva ol la katolika. Fakte, la katolika celebrado de la sanktuloj okazis altrude pro dekreto de la papo Gregoro la 3a, en la 8a jarcento, ĝuste kun la celo vuali la paganan feston per sinkretigo kun la ĵus inventita katolika celebrado. La meksika celebrado, kiun bone priskribas Pastoro, kaj la repreno de Samhain tra ĝia transformiĝo en Halovino, estas indicoj ke la homoj reprenas siajn miljarajn tradiciojn. antaŭ 2 jaroj

Szabi diras: Hmm dankon pro la klarigo pri Halovino. Eble ili estas akirdigeblaj, sed por mi (kiel hungaro) estas strange ke la 31an de oktobro ni festu amuze kaj la 1an de novmebro ni pensadu silente. antaŭ 2 jaroj

Szabi diras: Cetere estas ankaŭ strange ke mia fratino naskiĝis la 1an de novembro! Do devas miksiĝi la festo kaj la silento. antaŭ 2 jaroj  Szabi modifis tiun ĉi komenton antaŭ 2 jaroj.

Blazio VAHA (n.s. WACHA, Balázs) diras: La tradicio tamen distingas Sanktularan Feston (la unua de Novembro) kaj Feston de Mortintoj (la dua de Nobemro), se mi ne eraras. La du datojn oni iom konfuzas aŭ traktas kune. Via fratino estu festata! antaŭ 2 jaroj

Szabi diras: Mi neniam aŭdis pri tio, ke la dua de novembro estas la tago de mortintoj. Ĉiuj iras en la tombejojn la unuan, ĉu ne? Ŝi dankas la saluton! :) antaŭ 2 jaroj

Blazio VAHA (n.s. WACHA, Balázs) respondas: Kiel vi opinias pri la frazoj de Manolo, supre, koncerne la datojn mem? Sed mi ne insistas, kiel oni konscias, tiel aferoj ankaŭ... estas. temas prii konvencioj. antaŭ 2 jaroj

Szabi respondas: Ankaŭ la frazoj de Manolo rilate al la datoj surprizis min. antaŭ 2 jaroj

Bebson Hochfeldpro diras: Sro Jean MARTGINON, Idisto en Francia, dicas quale ..... La autoritatozi dil Vatikano deklaris hiere ke la "Halloween"-festo esas kontre-Kristana e danjeroza pro lua ligili kun l'okultismo. En artiklo titulizita "La danjeroza mesaji di Halloween", publikigita en la oficala jurnalo dil Vatikano "L'Osservatore Romano", Patro Canals exhortis la genitori koncieskar pri ca problemo ed invitis li direktar lia filii vers la salubreso e la beleso prefere kam la teroro, la pavoro e la morto. Prego-vesperi organizesos ye la saturdio-vespero preiranta la festo di Omna Santi en kelka parokii di Nord- e Sud-Amerika en la skopo ofrar a la katoliki alternativo ad ita hororinda e skeletala festo. La bigota katoliki esperas ke ica inicio difuzesos dum la venonta yari. antaŭ 2 jaroj

Laslo Kovacs diras: Festo de Ĉiuj Sanktuloj estas la 1-an de novembro memore al la martiraj infanoj kiujn laŭ la Biblio Herodo mortigis serĉante la etan Jesuon. Tago de Mortintoj estas la 2-an de novembro.(Laŭ alia tradicio la unuan dimanxon de novembro) Oni miksas ilin eble pro tio ke viziti forajn tombejojn oni havas tempon nur dimanĉe. Se oni akceptas la dimanĉan tradicion por Tago de Mortintoj la du festoj ĉi-jare estis la saman tagon. antaŭ 2 jaroj

Manolopro respondas: Diable Laszlo! MI kredas ke vi eraras... la tago de la martiraj infanaj viktimoj de Herodo estas la 28a de decembro, la Tago de la Senkulpuloj. antaŭ 2 jaroj

Szabi diras: Do fakte ne multaj scias ĝin tro ĝuste, nur ĉiu iras la 1an de novembro en la tombejojn. antaŭ 2 jaroj

Szabi diras: Eble kelkaj pensas ke ili scias ĉion pri tio, kiel ankaŭ mi antaŭe, sed nun ankaŭ mi sukcesis tute konfuziĝi. antaŭ 2 jaroj